WOMENS DAY
Birthday of Our Lady was solemnly celebrated on 8th September, 2009. The day was dedicated to the women in our parish. Short but meaningful programme was held after the mass. Games were conducted for the womens.
Monday, October 26, 2009
PARISH BULLETIN
ISSUE - 2
PADR VIGARACHO SONDEX!
Fr.Mathew Fernandes, sfx.
Aiz sorginchea avoicho zolmacho dis. Amchea firgojent aicho dis ami ostoream pasot bhettoitat. Hea ankar ami ostoreank ani avoiank kherit zago dila anik tanchem vornnon kelam. Amcho poilo ank ami amchi askarinn Sant Ana khatir bhettoilolo. Ho ank ami amche firgojechea poilea padr vigara khatir bhettoitat. Tachea jivitacho onnukar eka lekhan ami korunk vaurleat.
Sumar 125 vorsam fattim Pri. Bento Martins Agonda ailolo. Tea kallar Agonda ganv koso aslo kai? Te roste, vatto, zhaddam, ghoram vo komptteo, vaur dhondo, xinkop, xalla, kopel, jevonn, artik poristhithi, lokachi chal, Kristi lok, padrichem ghor … tujea monant koslem chitr aila? Hoi he poristhitint Pri. Bento Martins cholun amchea ganvant ailo.
Kiteak? Gonvlli nastana xellio asleo tanchi rakhonn korunk. Tea kallar Agonda firgojent Gonvlleacho vaur kitem aslo kai? Piddestank ilaz diunk, nennarank xikounk, jivitachim moladik totvam xikounk, nennarank zannar korunk, bhukeloleank dispotto giras diunk, Jezuchi xikovnn diunk.
Eka borea fuddareachi nodor lambh ani rund asta. Agondache doria deger bosun tea somdira itlim lambh Fr. Bento Martins sopnam sopnelo. Tachi dixea Goychea ani Bharotachea loka sovem asli, soglleank Jezu porgottunk tache anvdde asle.
Fr.Bento Martins sopnelo pun nhidun ravlo na, tannem dixea dhorli punn bosun ravlo na. Utthlo anik aplea vaurak gelo. Agonda sopnam sopnetalo ani uprant lamb lamb vatt choltalo. Aplea vhoddilak Patriark Saib-ak apleo ieuzonneo, sopnam ani dixea ugtteo kortalo.
Porinnam? Aiz jivall, rosall anik bhavartan vaddtoli Agondechi Povitr Sobha, Goychea Dhormprantant tachea vauracho ek nomunno zaun asa. Dusrem ani vhoddlem dennem Goyche, Bharotache ani Akhe Povitr Sobhek - Pilar Sonvstha ( Society of the Missionaries of
Ho mhozo lekh mhojean koso sompounk zata, aichea porbe somoiar Sorginche Avoicho ani amche avoiancho anik ostoreacho ul’lekh korinastana?
Amche askarinnik Bhag. Anak xekddea vorsam adim, zantte piraier ek cheddum bhurgem zolmota. Bhagevont Ana ani Joaquim, cheddvachem dennem khuxalkaien svikartat ani Devachea mogan tika vaddoitat. Aiz adhunik kallar, jedna ghov-bhail, cheddum bhurgem zolmota mhunnon kollon ailear, kusveant gorbh patt kortat, tankam, hem ut’tor piraiek pavlolem zoddem, ek vhoddli dekh dita. Tea kallar eka tornnattea cheddvak Dev vinchun kaddta aplea sodvonnechea vaurant bhagidar zaunk. Aiz adunik kallarui Devacho vaur fuddem vhorunk Povitr Sobhent ostori chodd molachi mhunnon ami manun gheunchi goroz asa.
Soglleak tumkam khuxalbhorit porob anvddetam. Kherit bhaxen ostoreank ho dis Devache kurpen bhorlolo zaum mhunn magtam. HAPPY FEAST.
PRI. BENTO MARTINS: AGONDA FIRGOJECHO POILO PADR VIGAR
Caridade Fernandes
(Pilar Sonvsthechea adaran)
Pilarche motthantlea ‘Capela das culpas’ kapelant atam ‘Cenatophium vo Dhumpeus mhonntat thoim sonvsthecheam sthapnnarachi somudai asa ani tea fatricher oxem boroilolem asa “Bene omnia fecit” mhonnge ‘tannem soglleank borem kelem’. Ho soglleank borem korpi konn? Devan aplea sasayen Goyche Mhadhormprantachea chodd gorjechea vellar vinchun kaddlolo munniari, Pilarche Sonvsthecho sthapnnar sorgest Pri. Jose Mariano Clemento Bento Martins.
Oll’lechea ganvant eka bhokti ghorabeant Janerachea 5ver 1848 vorsa Pri Jose.M.C.Bento Martins zolmolo. Tachim avoi bapui Pedro Paula Martins ani Querobina Pascoala Pereira bhov xegunni monxam aslim. 14ver Janerachea 1848 vorsa taka Pri Alexendre Andre.C. Azavdo hannem Povitr-snan dilem. Lhanuch astana tachem kalliz Devachea ani peleachea mogan lastalem. Jezuchi bori khobor porgottunk to axetalo. Hea monan Bento Martin Raiturchea seminarint bhitor sorlo ani aplem dhorm-xastrachem xikop vhoddle huxarkaien, Abrilache 21ver 1871 vorsa sompoilem. Goencho Archbisop D. Aires de Ornelas e Vasconcelvs hannim Pri Bento-k Raitura Seminariche igorjent Febrerache 9ver 1879 vorsa Padriponnachi makhnni dili.
Misanvanchea mogan Pri. Bento Martins-achem kalliz lastalem. Tea kallar ‘Novas Conquistas’ hea ganvanim Missionar pavunk nasle. Jezuchi bori khobor hea lokank porgottche khatir 1873 vorsa Pri Custodio do Rosario Caetano Barreto hannem, ek Missionar sonvstha sthapli ani ho vaur fuddem vhorunk taka Pri Bento Martins-an taka aplo pattinabo dilo.Tedna to diakhn also, 1877 vorsa Dezembrant to Tilamol hea songhottnent riglo ani 1881 vorsa Paskanche Porbe uprant to Pri Custodio Barreto-che Missionari songhottnentlo bhair sorlo.
Septemberche 12ver (port No. 151) Patriark saib D. Antonio Sebastiao Valentan, Pri Bento-k Uzganvcho kopelanv nemlo. Jezuchi bori khobor sogllea sonvsarant porgottunk to sodanch anvddetalo ani ieujitalo ani hem sopon xarti pavounk hi apli ieuzonn tannem Patriark saibak kolloili. Tedna Patriark saib khuxal zaun sogllo tenko taka bhasailo. Itlean (port 301, 2-7-1884; prov 5-7-84) Pri Bentak Usganv thaun Agondechea kopelant patthoilo. Hem kopel 1859 vorsa bandhlolem ani Kankonche igorjek lagu zatalem. Thoim taka Marsache 18ver 1884 Chinchonncho Pri. Jeronimo Servulo viegas ho poilo vangddi mell’lo. Tache uprant Siolecho sub-diakhn Gregorio Francisco Xavier Fernandes ani Kamorlecho diakhn Deodato Piedade de Costa he Missionari zomeant bhitor sorle. Aplea tegam vangddeank gheun soglli toiari kelea uprant Patriark saibache Palasintlea
kopelant 26ver setemberache 1887 vorsa ratche 8 vaztam Povitr Sonskara mukhar panch vorsank apleo dharmik bhasavnneo keleot ani St. Francis Xavierachea Missionarchi Sonvstha (Sociedade dos Missionarios de. S Francisco Xavier) sthapli. Dusrea disa he Missionar novi urba ani novem boll gheun Agonda portole.
Kankonche varadeantlo lok dubllo also. Tanche khatir Pri.Bento ani tache vangddi khup ghamele ani vaurle. Tannim Jezuk dusreak dilo hoch tancho mukhi hetu also. Pri Bento Martins magnneacho monis aslo dekhunuch Dev taka boll ani urba ditalo. Tea bollan ani urben hennem-tennem bhonvon Jezuk to porgott kortalo. Pri Bento Agonda saun Cabo-de-Rama ani Vell’le porian vetale ani dotorn xikoitale. Bhurgeank ani zanntteank punzaitalo ani xubhvortoman porgott’talo.
Tannem Agondechem kopel novean bandun thoi don altar ubharle, Jezuchea Kallzak ani Mariechea kallzak. Tancher December 30, 1888 vorsa axirvad ghalo. Hea Kopelak, igorjecho dorzo diun 3-9-1889 vorsa Pri Bento Martins-ak poilo vigar nemlo.
Sonvstha sthaplea uprant tin vorsamnim D. Antonio sebastiao Valente Patriak Saiban 4-2-1890 vorsa aplo hukum (No.268) jahir korun St. Francis Xavieracheam Missionarank Agonda thaun Pilarchea Motthant haddle ani tednam thaun he sonvsthek ‘Pilar Sonvstha’ mhonn nanv poddlem.
Pilar ailea uprant tannem zaitea poixilea ganvanim vochun missionari kam kelem. Tachi missionari hurba polleun Patriark Saib-an 30th May,1890 vorsa Pilar ‘Katekument’ dotorn xikounchem kendr sthaplem.
Tannem 9 vorsam sonvthechem fuddariponn choloilem. Thambonastana vaur kelo. Agonda Firgojecho poilo padr vigar ani Pilarche Sonvsthecho ghoddnar tornnech piraier Agostache 16ver, 1896 vorsa Pilarchea Motthant ontorlo. Hea sonvsarant fokt 48 vorsam 7 mhoine ani 12 dis to jiyelo punn Goychea bhuimcher, Goychea Mhadhormprantant Pilarche Sonvsthent ani Agonda firojent sasnnak ek xik’ko marun dovorlo.
Pri. Bento somplear sumar 113 vorsam somptat, pun tachea hatant diloli Agonda firgoz choddot ani vaddot asa. Tannem sthaploli sonvstha palleta- fulta ani nhoich Bharotant punn dusream desanim Jezuk porgott korta. Pri. Bento Martins-an ‘soglleank borem kelem’ dekhun to azunui jiyeta.
“ Hi Amchi Avoi!”
Jasmita Fernandes
Nnov mhoine kusveant sambhallop ani hea nnov mhoineam uprant khub koxtt ani dukh sonsun aplea bhurgeank jivitant hadop ani jednam hea aplea kallzachea kuddkeak aplea vengent gheun apnem kadlele soglle tras visrop ani aplem kalliz umalleanim bhorun tiche khuxek xim ani mer nasop. Hem sogllem drix amkam fokt eke avoicheach rupkarant polleunk vo onbhovunk mellta.
Amchi Avoi mhonllear omollik, tichem mol amchean kednach korunk zauchem nam. Avoi vo Mai mhonllear amkam Devan vinchun dilem ek omollik dennem. Ti zaun asa Saibinnichem rup. Amchi avoi ek pun tichim rupam anek vo zaitim. Tichea khandar ghor sambhalpachem ek vhoddlem zum asa. Ti ek potinn, Avoi, sun, bhoinn, xezari………Eka bhurgeak ti fokt avoich nhoi bhogor ek xikxok, sondexkar, Dotor, ixtt……..
Kitlinch ticher vadoll mhollam uprasum, ticho upott mog kednach komi zaina. Ti apli purai jinn amchem jivit follvont korpa khatir vompta ani bhettoita. Amkam ek kantto pasun toplear tichea kallzak dukh zata. Ti aplem kam xantikaien ani hanstea mukhamollan korta. Zaum bhurgeank borea gunnanim vaddoupachem vo xikoupachem vo ruchik ani ghostachem jevonn toiar korpachem vo bhurgem jednam piddent podta tednam apli purai rat foddun bhurgeancho poramos korpachem vo bhurgo kamank thaun portun ghorant iesor aplea dolleant tel ghalun umbhrear bosun
Amche pasot aplim nakttam ani hat zoroun-ui, kai favtti ami amche avoik manan lekhunk visortat. Hea tichea bhagara sarkea hatancho umo gheunche suvater ami ticher hatt ukoltat ani tika vaitt utram ditat ani tichea mogacher onupkari zatat.
Amche mogache avoichem vornnon amchean sadheam utranim korunk zaina. Amchean amche avoik ek moladik vost diunk zata ani ti mhonnlear “Amchem Magnem”. Hea amche hirea sarke avoik ami sodanch khuxal dovrunk vavurm-ia ani tiche pasot Devak sodanch dhinvasum-ia.
A word that means the world to me
M --- Million things she gave me
O --- Only Person whom I Love Most
T --- Tears she shed for me
H --- Heart of purest gold
E --- Eyes with love-light shinning
R --- Right and right she’ll always be
AVOICHEM VORTEPONN
Royle Fernandes
Betul, Agonda.
Setemberachea 8ver Ankvar Mariechea zolma disa amche firgojent ostoreancho tosoch avoiancho dis somorombhtat. Amchea kuttumbacho maz zaun asa amchi Avoi. Ti ak’khem kuttumb mogan ani ekvottan samballunk vavurta. Devacho mog ani peleacho mog amchea kallzant ghalta toxench borem marg-dorxonn diunk vaurta. Khuinchea vellar khuinchei poristhitint ti amchi seva korunk toiar. Bhurgim piddent aslear tika nhid, bhuk lagonam, apleam bhurgeank borem-borem diunk sodhta, tanchea avddichem tankam randun dita . Devan avoik / ostorek kherit movall doiall kalliz dilam bhurgeank zolmak haddpachem ek vhoddlem bhag favo kelam.
Maria amche mogall avoin aplea Putak, Jezuk niz mogan vengoilo, xikoilo ani zobabdaren taka vaddoilo. Tichea jivitacher ami zor nodor marlear tichem jivit ek sukhachem pallnem zaunk na. Zaitem dukhui tichea jivitant aslem. Jezu sanddlo tednam (Lk.2: 48) kitlem dukh tika bhoglem. Aplo ekloch niropradi Put khuris gheun kalvar dongrar choddta astana Tachea sangata ti ravta ani tachea koxttamnim vantto gheta. Aplea jivitant upraslolea vadoll-moddank teach Devachea mogacher patieun ti fuddo korta. Maria amche avoiank ek khoro nomuno. Amche Avoi Maria bhaxen tannim zaunk magum-ia.
Amche avoicho mog korum-ia. Avoi vorvim mhaka ani tuka zolm mel’la tedna upkari kallzan tika mahan ani unchlo dorzo diunk vaurum-ia. Avoiank ani soglleam ostoreank Saibinn Maiechea zolmachi khuxalbhorit porob anvddetam.
________________________________________________________________________
----------- Anik ek dis oxem ghoddlem----------------
Marilyn D’Costa.
19th July: Dev-Sondexkarank Margdorxonn
Kannkonn varaddantlea soglleam Dev-Sondexkarank 19ver Julaiachea margdorxonnachem ulovop aslem. Hi xikovnn Goychea doton’nichea kendran ghoddun haddloli. Hea vorsacho vixoi monant gheun tea disa niall kelo. Kanakonna varaddantleam sumar 100 Dev – sondexkaranim hantunt vantto ghetlo.
22nd July: Iskolant Askarinnichi porob
Amche firgozentlea St.Anne’s Institute-achea bhurgeanim ani xikoupeanim aple askarinnichi porob Julhaiache 22ver monoili. Porbechem mis sokallchea 9.00vorar somorombhlem. Tea disa bhurgeanim orthabhorit kariokram machier haddlo. Tea disa tegam amchea xikovpeak adeus kelo, Tr. Narayan, Tr. Arvila ani Tr. Jayu.
26th July: Bhag. Joaquim ani Ana-chi porob. Agondechea firgozkaranim 26ver Julhaiache Bhag. Anachi porob vhodda ghonnghonnan monoili. Sokallchea 7.00vorar zalelea misachea bolidanat zaitea firgozkaranim vantto ghetlo. Sokallchea 9.00 horar bhettoilolea misa bolidanant doton’nicheam bhurgeanim ani Dev-sondexkaranim, Xapai-Xamai khatir bhettoilem. Sumar 100 xapai-xamaianim hea misant vantto ghetlo.
Misa uprant Firgoz Potr ‘Hannah’ hachi ugttavnni keli. Porbe nimtan lhan bhurgeanim ek dhakttulo kariokrom ghoddun haddlo ani xapai-xamiank khuxal kelim.
2nd Aug: Gonvlliancho Dis
Agostache 2rer amche firgojent Gonvlliancho dis monoilo. Donui misachea bolidanant amcheam toxench soglleam Gonvlliam pasot maglem ani mogachi bhett koxi dor eke sonvsthen fulam ani dannam Padr –vigar ani Padr- kurak bhettoilim. Sanjechea velar Gonvllik firgozk sobhechea zomati upant dogui Gonvlliam sangata ‘Cake’ katorli ani lhan mellavo kelo.
15th Aug: Assumpt Saibhinnichi porob anik Bharotacho Svotontrtaiecho dis:
Amchea firgojent porbechem ani dhinvasnnnechem mis bhettoilem sokallchea 7.00 horar. Tachea uprant iskolachea bhurgeam ani xikxokam vangdda sogllea bhavam-bhoinnanim Bharacho Zhenddo uboilo ani Raxttragit gailem. Tachea uprant bhurgeanim ek lhan kariokram Bharot Desa khatir bhettoilo.
23rd Aug: Tarvar & pordesant vaurtoleank xibir.
Hem ek kherit xibir fokt pordesant ani tarvar vaurtoleank amchea firgojent ghoddun haddlem. Sumar 15 bhav hajir zale. Oslim xibiram chodd faideachim zatolim mhunnon tannim aplem mon porgottlem.
23rd & 24th Aug: Varaddantleam Dev-sondexkarank Xibir.
Canacona Deanery ACAZ sangata amche firgojchea dev sondexkaranim don disachem xibir amche firgojent ghoddun haddlem. Sumar 50 sondexkaram hajir aslim. Hea xibira somoiar tin vixoiancher bhasabhas korun ulovpam Fr.Mathew Fernandesan dilim. Sondexkar Konn? Patt koso toiar korcho? Patt koso diuncho? Hache voir barik somzonni dili. Agonda firgojent don magnnea riti choloileo. Ho xibir sondexkarank itlo faideacho zalo ki Diwali Suttient anikui korcho mhunnon vinoti keli. Amchea sondexkaranim khup vaur kelo dekhun ho xibir unchlea dhorjeacho zaunk pavli. Amchi porbim ACAZ hankam zannim bore toren hem xibir manddun haddlem.
29th August: Eka disachi ekantai
Amche firgozent eka disacho charismatic retir 29th August goddun haddlo. Zaitea lokani tantunt vantto ghetlo. Fr. Vital ani tachea sangatean ho retir choloilo. Amchi porbim amche firgozentlea charismatic zomeak.
SORGAR ANI SONVSARANT AMCHE POVITR SOBHA
PALLETA, FULTA ANI VADDTA
POVITR SNAN VORVIM KRISTACHE JIVIT
| Sr.No | Name of Baptised | Fathers Name | Mothers Name | Date of Baptism |
| 01 | Valery Monteiro | Daniel Monteiro | Benny D’Costa | 20.6.2009 |
| 02 | Lizen Monteiro | Lincon Coutinho | Mabel Coutinho | 13.6.2009 |
| 03 | Stanwick Cyrus Fernandes | Saby Fernandes | Caroline F’des | 15.4.2009 |
MORNNA VORVIM PUNORJIVIT
| Sr.No | Name | Date of death |
| 01 | Freddy Luis B.Fernandes | 27.7.2009 |
| | | |
MOGACHI MAI
Josna Fernandes,
Parvem.
Maim kitle koxtt tunvem sonsle,
Mhaka zolmak haddtana,
Tujea hea koxttancho inam,
Mhojean poixeanim farik korunk zanvchonam.
Maim tujem kalliz kitlem udhar,
Sodanch tum toiar diunk tuzo adhar,
Devan tuka kuxeal dovrum,
Pollounk tujea bhurgeancho fuddar,
Maim zaun asa ek sukhachi baim,
Mainchea mogak sor zaina kaim,
Magtam Dev jiyeunk sodanch tujea thaim,
Kuxeal tum asum tujea kuttumbanchea vangddea thaim.
Maim tum bhurgeank bori vatt dakoita,
Jezuchea panvlanim cholunk xikoyta,
Saibinnichea mogan amchim kallzam bhorta.
Maim bhurgeank chodd molachi zaun asta.
________________________________________________________________________
ST. ANNA
Weena Borges.
St. Anna Santinn ge tum Agonda firgojechi
Kai bori nhesonn tuji sat rongachi
Kitli opurbai kortai tum amchi
Tujeam ochoriamnim favo zata kurpa kurpechi
Anjeam sangata sorga rajeant raj choloitai
Tuje dhuve Marie, natva Jezu lagim vinoti kortai
Adarak ulo marlear meuta rokddich tuji sassai
Kristanv ghorabeak ek dekh ani nomunno tum zaun asai
Huskean bhorloli Maim tum
Natvam kitlim tuka, xembhorianim mum
Porza ieta – mhunnta foll dite dhaki
Piddevontanche bholaike, gorjevontanche mozoti.
Oskot piraier legun halonk diunk na bhavart
Xekim Devan tuka dilo eke dhuvecho sangat
Tuje bhaxen dukha-sukhak fuddo korunk dhi ghe adhar
Paulear puro mhonn ek dis sasnnachea ghorant sukhi sorgar.
SANT ANA
Agnelo Fernandes,
Parvem.
Sant Anna, avoi Ankvar Mariechi,
Agonda firgozechi askrinn, azi soglleachi,
Nanv tuje zhor Kurpechi,
Tujea adaran bhor jinn amchi soglleachi.
Anna Maie dhir adar tum koxttovtoleachi,
Noman kortat tuka, Deva mhukar tum porzolli,
Nazuk tuzo bhavart, oskot piraier passun thir ravli,
Amkam dhi adar tujea porim vatt cholunk jivitachi.
OSTORI
Marilyn D’Costa.
Sonvsarache survek thaun,
Devan ostorek dilo man,
Pacharli tika korun noman,
Keli tika karbhari aplea vauran.
Bhagevont amche maie Ana’n,
Cheddvak zolm dilo kusvean,
Cheddvachea zolman kelem nam rudan,
Vaddoili tika Devachea mogan.
Adhunik kallar ostorek dhi ga man,
Somazant tinnem zoddlam nanv,
Korun pasun jivachem dan,
Ostori sodanch zaum mahan!
Tujean ostore bodlunk zata somaz,
Nit-sot zoddunk gazoi tuzo avaz,
Ostore tum kuttumbcho uzvadd,
Dev zaum di tujea jivitacho maz.
Sunday, October 25, 2009
PROCESSION OF OUR LADY
Agonda Parish Priest on Tuesday 13th October, 2009 led a procession of parishioners in a village in honor of Mother Mary. Procession passed through the village after the Eucharistic Celebration. Statue of Mother Mary halted at 10 ‘somudais’ of the Parish. At every station people reflected upon the Life of Mother Mary and offered special prayers. Several non-catholics lined up along the roads with flowers, candles, agarbattis and divlis to honor Mother Mary.
Several parishioners walked about 5-6 kms route, and recited the Rosary throughout the procession. Final prayer and solemn blessing was given at the church compound.
While the procession was led by Parish Priest Fr.Mathew Fernandes,sfx, assistant parish priest Fr. Peter Cardozo led the group in singing the devotional hymns. During the procession people in a very special way prayed for the flood affected people in Canacona Taluka.
Wednesday, July 29, 2009
'HANNAH' - PARISH BULLETIN
FIRGOZ MAHITI
Padr Vigar: Fr.Mathew Fernandes, sfx.
Padr Kur: Fr.Peter Cardoz, sfx.
Ph.No. 2647339
E.Mail: stannesch@gmail.com
Blog: http://stannesagonda.blogspot.com
Firgoz Kochericho Vell: 9.00 a.m. to 1.00 p.m.
MISACHI KARIAVOLL TERSACHEM MAGNNEM
Aitar (Igorjent): 7.00 a.m. and 8.30 a.m. Aitar (Igorjent): 6.40 a.m.
Aitar (Kopelant): 7.00 a.m. Aitar (Kopelanim): 6.40 a.m.
Dor disa: 7.15 a.m. Dor disa: 7.00 a.m.
Budvar: 7.00 a.m. Budvar: 6.45 a.m. Sukrar: 5.00 p.m.
POVITR SONSKARACHI BHOZONN
Dor Sukrara(bhurgeak): 7.30 a.m.
Dor Sukrara: 4.00 p.m.
POVITR SONSKAR
Povitr Snan: Dor mhoinneacho Poilo anik Tisro aitar. Sokallim 8.30 horar.
Povitr Snan ghetolea avoi-bapaik; podon-modonik xikovnn: Povitr Snanachea adlea Sonvara sokallim 9.00 horar.
Kazar zaunk sodtoleak xikovnn: Dor mhoinneacho Poilo, Somar, Mungllar ani Budvar.
Prachit Sonskar: Dispottim misa adim vo goroz tea somoiar.
VIGARACHO SONDEX
Firgoz Potr mhonnge kitem? Ani Kiteak?
Firgoz Potr zaun asa ek hatiar zache vorvim ek ek firgozecho vangddi aple firgozent ghoddta tachi mahiti ani ollokh gheunk pavta. Hea firgoz potra vorvim firgozent ghoddtat te ghoddnneachi khobor, zanvcheo asat tanchi mahiti firgozechea vangddeak kollounk sompe zata.
Hem firgoz potr soeg dita amche firgozentlea borovpeak ani kovita rochpeak aple gunn ximpddaunk. He firgoz potr amchea monant ani ginneanant uzvadd ghalta jedna ami vicharlolea proxnak zanv Povitr Pustokacher tharaun manddlole, Povitr Sobheche xikovnnecher vo somzik uskeacher tharaun kelolea proxnnache zobab soddun kaddunk vaurtat tedna. Hem firgoz potr amkam sompeponn dita amche firgozent ghoddleat anik ghoddcheo asat tanchi mahiti amkam sompeponnim mellunk. Amche firgozentlea sogllea bhavam-bhoinnani firgozechea euzonneani ani gorzeche tharav ghevpant misoll zaunk amche anvdde. Zalear he firgoz potr amkam ek hatiar zaum amche firgozent ami soglleanim sohobhageliponnan amcho Gonvllik Vaur fuddem vhorunk.
Amche firgozechea porbe somoiar 2nd May, 2009, amche firgozechea ‘Blog’achi ami ugttavnni keli. Internet vapddun (stannesagonda.blogspot.com) ugoddlo zalear amche firgozechi mahiti anik ghoddlolea ghoddneo kherit toren pois-pois asat tea amchea bhavam-bhoinnak vachunk melltat. Amkam kuxealkai bhogta zaite amche bhav pordesant vo bottir asat te ho blog vachtat mhunnon.
Amkam favo zaleat teo sovloteo vapddun ami eka mekak lagim raum-ia. Amche firgozeche ‘Firgoz Potr’ ani ‘Blog’ vaddun tench korunk ami proitn kortat.
Zaiti vorsa adim amche firgozent ‘firgoz potr’ chalu kelole mhunnon konn-konn mhaka sangta. ‘SAP’ (St.Anne’s Parish) oxem taka nanv asle khoim. Tor amche firgozent ‘firgoz potr’ nove nhoim. Pun novena ami suru kortat. Hea firgoz potrak ami nanv dila ‘Hannah’ hea nanvachi somzonni tumkam Mr.Caridade Fernandes ditolo.
Hem Gonvllik voros amchea dhorm prantant Tornattea khatir bhettoila. Hea vorsak tornatteak monant dovrun amchea Gonvlli Bap Arsebisp Filipe Neri Ferrao hanne apli Gonvllik Chitt tornatteak ani tornattea sovem sombond asloleak pattoitlea. Hachi khobor amche firgoz gonvllik sobhecho Moderator Mr.Peter Miranda amkam aplea lekhant dita.
Amche firgozent he firgoz potr toiar korunk, gonvllik vorsacho planner toiar korunk, blog asa tacher khobro pattounk ek songh nivddun kaddla tea songhak -------- mhonttat (Team for Mass Media). Hache vangddi zaun asat Miss. Marilyn D’Costa, Mr.Caridade Fernandes, Mr.Agnel Fernandes ani
Don mhoinneani ek firgoz potr toiar korunk ami chintla. Tor tumchea sohokaracher patieun ami amche pavla fuddem marla.
July 26 amche askarinnechi porob hea disa he potr uzvaddak haddunk amkam kuxealkai bhogta. Tumkam soglleak kuxeal kaiechi porob anvddetam. Bhagevont Ann’nan tumcher aplo axirvadd ghalum.
Fr.Mathew Fernandes,sfx
PARISH PRIEST
“HANNAH”
Caridade Fernandes
Sogleank tumkam Bhagivont Annachea Porbe disachim porbim.
Zaito kall zalo amchea monant aslem amche Firgozechem Potr (Parish Bulletin) uzvadant hadunk. Pun itlo kall passun te ek sopon kose urlolem. Aiz July 26th, 2009 he sopon sopurn zalem mhunnon amkam sontos bhogta. He Firgoz Potr uzvaddak haddunk ek mhuki karann mhonnllear, umedin bhorlole ani utejan divpi amcho padrvigar Rev. Fr. Mathew Fernandes ani padrkur Rev. Fr Peter Cardozo. Dusre mhuki karann mhonnllear amche firgozentli bhav-bhoinna, kosleai borea vavrak sodanch tancho tenko ani sohokar vhodda promanan favo zata. Amchean ekui amche pavl fuddem ghalunk zavchena amchi askarinn Bhagevont Anna amchea sangata nastana. Dekhun aiz tiche porbe somoiar amche Poile Firgoz Potr uzvaddak haddunk amkam kuxealkai bhogta.
Hea amchea Firgoz Potrak ‘HANNAH’ hem nanv ami dilam. Kiteak kai? Amchi firgoz amchea purvozanni bhagevont Anna (Ankvar Mariechi Avoi) bhettoili. Anna he nanv Hebrew bhaxentle “HANNAH” he utrantlean ailam. ANNA mhonge Kurpa. Deva lagim magum-ia bhagevont Annan amchi firgoz kurpen bhorunk.
Ami konn? Amchi mullam khoim asat? He zanna zaun ghevop ani sodden kaddop chodd gorjechem. Dekhun amche Firgoz Potracho poilo ank ami amche Firgozek bhettoitat. Amchi firgoz sthaplear hea vorsak 121 vorsa bhortat. Zalear hea firgozecho vaur koso suru zalo? Konnem suru kelo? Itihas bariksanem tumchea mukar dovortanv. Ami konn? Amcho bhavart khoi, khednam ani konnem suru kelo? Amchm mullam ami sodtanv. Ani hea pasot ami hea firgoz potrant chod bhar ani lokx amchea Firgozechea Itihasak dilam, hea udexim amchea firgozentlea tossench dusea bhavam-bhoinnak amchi ollokh bariksannen vachunk melltoli.
Hem Firgoz Potr amkam soglleak ek obhimanachi khunna zaum. Tumchea hatant poddtach te vachunk ani firgozeche bhavarthache okhondd vangddi zaunk tumkam Kurpa favo zaum.
He ami suru kelam te kam fuddem vetole fokt tumchea sohokaran. Tumche lekh, kovita hea firgoz potracher xhappun haddunk ami otrekun ravtat. Ho lekh uzvaddak haddunk zaitea zannani adar dila tankam soglleak dhinvasta. Anik portun ek pavtt tumkam soglleak Bhagevont Annachi kuxealkaiechi porob anvddeta ani amkam soglleak Tinnem Kurpen bhorunk magtam.
................ ANIK EK DIS OXEM GHODDLEM………………..
Marilyn D’Costa
Abril 26: Poilo Komunhanv
Bhag. Ana-che firgojentlea sovis (26) bhurgeanim Abril-ache 26ver Poilech pavtt Krist Prosad ghetlo. Sokallchea 8.30 vorar misa-chem bolidan bhettoilem zantunt bhurgeanim, tanchea avoi-bapainim, sondexaranim ani firgozkaranim bhag ghetlo.
Abril 22- May 1: Novena
Bhag Ana-che porbechea novenachi maddi Abril-ache 22ver zali ani Abril 23 tem Maiachi 1ler porian novenachi misam zalim. Dor ek novenachem misachi manddavoll dor eke somudaien keli. Misa uprant ‘Diocesan Family Service Centre’ hacho director Fr. Soccuro Mendes hannem ghoddun haddlelem Family Mission’- hachi dakhoun ani xikovnn asli. Hi dakhoun sumar ek horachi asli ani zaitea lokan tantunt bhag ghetlo.
May 2: Bhagevont Annachi Porob
Agondechi Firgojechi askarin Bhag. Ana- chi porob Mai-che 2rer firgojkaranim dobhajean somorombli. Porbechim dobajik misam sokallchea 7.00 ani 9.30 vorar aslim. Pilar sonvstheche provincial Fr. Kyriel mukel Iadnik asle. Tannem donui misar provochonn kelem. Fr.Peter Cardozan ganchea bhurgeak ani tornnatteank gaionam gaunk toiar keli ani donui misar gaionam gailim. Porbe nimtan amche firgojechea blog-achi ugttavnni mukel iadnikachea hatanim zali. Firgozechea bhavarteanim Prachit Kallar upas ani teag korun Pilar Fatherachea misanvam khatir Rupees Fifty Thousand (Rs.50,000) ekttaim kelole te
4th – 9th May: Somudaianim Porbo
Amche firgojent 10 somudai asat tantutlea 7 somudaianim Maiachi 4ti tem maiache 9ver porian aple somudaianim khursacheo porbo somorombhleo.
Mai 13 to Mai 15: Dev- Sondexkarank Xibir
Karnataka-achea karwar jhilleantlea Shirwad ganvant Agonda firgojechea dev- Sondexkaranhem don disanche xibir ghoddun haddlem. Sumar 14 Dev-sondexkaranim hea xibhirant vantto ghetlo. Patth koxe toiar korop, kenna toiar korop, bhurgeank te koxe xilovop, obheas kitem divop hacher xikovnn dili, ani path toiar korun ghetle. Vavurpi somiti vinchun kaddli ani vorsavollicho kariokrom toiar kelo. Toxench vorganim vanttun ghatkim.
Hem xibhir amchea ganvchea Padr Vigar fr. MAthewan choloilem.
Maiachea 14ver karwar diocesichea bispachea palasint hem xibhir zalem. Bisp Saib Fr. Derrick hachea zolm disachea somorombhant bhag gheunk Dev-sondexkarankbhag meulem.
8th June --Xallechi Survat
St. Anne’s Institute “ xallechem xikxonnik voros 2009-2010, Junhache 8ver suru zalem. Lhan toxim vhodd bhurgim aple xalleche kopdde ghalun hurben xallek ailim. Soglleam bhurgeank ‘assembly’ vellar xallechea Manager, Fr. Mathew Fernandes toxench Headmaster, Sir. Pio Vales hannim maiemogacho ieukar dilo ani urben ani mogan aplem xikop korunk bhurgeank ulo kelo. Assembly zatoch soglleam bhurgeaim ani xikxokanim misa bolidanant vantto ghetlo. Fr. John Fernandes-an misa bolidan bhettoilem ani bhurgeam ani xikxokam vangdda Devacho adhar gheun novea xikxonik vorsak survat dili.
Junh 14 -- Dotonnichi survat
Junhachea 14ver bhag. Anache firgojechea Dotnnichea vorsak Survat dili. Dev- Sondexkaramani, burgeam vangdda Padr Vigar Fr. Mathew fernandes-an misa bolidan bhettoilem. Deva boll gheiat , Jezu ollkhin zhogzhogat’ hea vixoiacher nail kelo. Dev Sondexkaranim apli bhasavnni dili. Hea disa amchea Pastoral planner-achi bariksannen mahiti dili ani ghora-ghoranim pattoilo.
Dotonnicho Animator Caridade Fernandes-an bhurgeanchi igorjent bospachi mandavoll makhli ani hea vorsa chukoinastana doton’nik hajir zaunk bhurgeank ulo marlo.
Junh 21: Seminar for the Lectors
Kannkonchea varaddant( deanery) Junhachea 21ver Misar Devachem utor porgottpeank (lectors) eka- disachem xibir ghoddun haddlem. Akhe Kannkonn varaddantle 7 firgozentle sumar 100 vangddeanim hea xibhirant bhag ghetlo.
July 4: PTA Zomat
St.Anne’s Institute Agonda hachi PTA zomat iskolachea hallant zali. Choddon-chodd bhurgeachi avoi-bapui hazir asli. Tossench iskolacho Manager, Headmaster, PTA Chairman, anik xikovpi hazir aslim. Shrimati Auda Viegas, Bhailacho Ekvott hachi odeokx hika kherit amontronn diun apoiloli. Bhurgea sovem avoi-bapaichi zobabdari kitem hacher tinnem bariksannen xikovnn dili.
JULY 9: Xibir Canacona Varadeantle PAT hankam.
Amcheo somudai kiteak? Tancho xevott kitem? Tho xevott purnn korunk ami kosle upai gheunk zai? hacher xikovnn Fr.Lenny D’Souza (Chicalim Firgozecho padr vigar) hannem dili. Varadantle 7 firgozentli sumar 60 vangddeanim hantunt vantto ghetlo.
“Shine Like Stars In The World”
May, 31ver hanv ani amche firgozentli anik panch (5) tornattim Old Goa geli. Hem chalu voros tornattea khatir bhettoila. Hea nimtan hea vorsachi Gonvllik Chitt, Gonvlli Bapan tornattea khatir bhettoila. Tea disak he chittichi ugttavnni zali. Hea kherit disak ‘YUVANNA’ hea nanvan website toiar kelam tichi ugttavnni keli. Tornnatteak hi site khup upeogachi zatoli mhunn kolloilem. Dobhajik misachi mandavoll hazir aslolea iadnikam sangata Arsebisp Filipe Neri hannim bhettoilem. Goychea sogllea firgozantle tornnatteache protinidi thoim hazir asle.
“ Noketram vori sonvsarant zhogzhogat”ho gonvllik vorasacho vixoi monant dovrun Gonvlli Bapan kherit toren tornnattea khatir Devachea Utrachi porgottnni keli.
Eka noketrank apunn zhogzhogpachi xokti asa, teach
Borea kama khatir ekttaim ieunk amkam tornatteak ek zago asa tho mhonllear amche Firgozecho Tornatteacho zomo. Tornattim mhonllera ek ‘giti zathi urjea’ vo ‘energy’, tika fokt ek dixia diunchi goroz oxem amcho adlo president Dr. Apj Abdul Kalam, mhuntallo. Hi dixea amkam tornnatteak amchea vodillanim ani somazache bore dekhnnaranni diunk xokta.
Amchea Povitr Snana vorvim ami Jezuche Sandhe zaleat. Krizm Sonskara vorvim amkam Jezunt thiraileat. Dor pavtt misant vantto ghetat title pavtt ami Jezuchea Jevnnant vaddtat. Ami Jezuchi ollokh ghetlea kedna na kedna tacho mog, bhogsonnem ani ixttagoth ami onnbhovlea. Atam amkam soeg asa ami Sotmantat tea Jezuchi seva korunk. Anik tornnatteacho zomo ek upai Jezuchi khobor porgott korunk. Amche gunn, xokti, vapddun amchean amche firgozent mukhi hatiaram zaunk zata. Dhorporgottnechi zobabdari vollkun gheun amchea kornneanim ani utranim Jezuchi porgottnni ami korunk zata ani firgozent sevadhormik jivitant vantto gheun jivall zaunk zata. Zaiti tornnattim ami ek zaun zaiteo suchnna, amcho dixttavo, amchi kola, vapddun ekvottan amchi firgoz rosall korunk zata. Kitleo vegvegleo ideas amchea tornatteachea monat udkeo marit ravtat, ami firgojeche vhod nhoi pun lhan lhan proxn suttave (solve) korunk amcho adhar diunk zata, oxem koruna ami Devjivitant disandis vadunk panvtolenv. Lhan Kristi somudaint missol zaun eka-mekak urba divop osli seva Povitr Sobha tornnattean koddechean axeta. Xinktana ani vaur kortana somajik usko dhorun jevop, favo toslem lok sompork sadhnam ( mass media communication) hancho upeog korun somajik kalyanne (social welfare) passat vavrop osli amchea tornnatteanchi vagnnuk zaunk favo.
Oslim amche bhavna zonn eklea tornnattean aplea monnat haddit zalear, dubhav virent ami, mhonnge Agonda firgojechim tornnattim firgojeant ani sonvsarant zhogzogtollim oxem mhunnunk hanv pattim sorcho na…………lets shine like stars in the world…..
By Avilton Fernandes
------------------------------------------------------------------------------------------------
Sounsarant, assa ek vost ti mai amchi,
Tica sor korunk zaunchi na dusri,
Mannkam, motiam vun voir , vortouta khimot tichi,
Onod, man, sorv soruopai, sounsarachi.
Mai mhunnonk maca atam meuli zalear,
Puta, Dhuve, utor kanar poddot zalear,
Kitlo sukhi , asta also, amkam ho sounsar,
Punn hem sukh, kedinch meuchem na, kitench kelear.
Maichi chakri, ami kell’li zalear ,
Tiche paim poddta, tem udok passun pilear,
Umaum ghetlear, tichim paulam potta, tea zagear,
Toeui moga rinn maiachem zauchem na kobor.
Joseph.R. Fernandes
Betul, Agonda
PORMOLL
Sant Anachea gunnacho
Xepai- xemiak nomuno
Bhurgeank natrank zannvaiecho
Altarar fulam dumpacho
Pormoll amchea Igorjecho
Sant An Scholant huxear bhurgeancho
Khell moidanar bollixtt tornatteancho
Kariavollint noketram vori zhogzhogpacho
Ho avoi Bapaicho anvddo ani bhorvanso
Pormoll amchea ganvcho
Oskot kuddint bolaikecho
Patki kallzant kurpecho
Bhurgim nasloleank adaacho
Soglleank amkam zoitacho
Pormoll amchea Sant Ana Askarinicho.
Milagrina Fernandes,
Betul, Agonda.
--------------------------------------------------------------------------------
DEVACHI VAKHANNI !!
Dis-rat nazuk doria, Orixtt lharam hanv polletam,
Devacho xim-mer naslolo mog nialltam,
Hanv ek kirkoll rochna , torui Devan mhaka ek karia dilam ,
Rochnar Devacho pormoll soglleak ximpddaunk mhaka nemlam.
27ver Junachea ekvis vorsam mhaka bhorlim,
Zababdarechi chavi ani zababdarechi suttram mhojea hatant poddlim,
Dubhav nam zaitim Dennim Devan mhojer ott’llim.
Tor tim vapurtelim vo purun dovortolim?
Ham! Bori aili iad, Jezun dakoilea vatt,
Peddar dovrun divo, soglleak fankoitolim uzvadd,
Borea gunnacho domdom ximdaitolim soglleak.
xevttim-mogrim mavtelim dusreanchea jivitak,
Mahan zaunk sonvsarant rochla Devan mhaka,
Dekhun mhojea Jivitant vhakhannta Dhonia Tuka,
Pustokam vachpacho gunn Pormesvora dila Tunvem mhaka,
Vachpantlean ani nhiallantlean Ginean Dhonia bhor mhaka,
Fankounk Tuzo Uzvadd, ani porgott korunk soglleak Tuka.
Great is your name Lord
Thy majesty fills the earth.
Larina Fernandes
Vall, Agonda
PALLETA, FULTA ANI VADDTA
POVITR SNAN VORVIM KRISTACHE JIVIT
| Sr.No | Name of Baptised | Fathers Name | Mothers Name | Date of Baptism |
| 01 | Melanie Valanka D’costa | Isidoro | Melvita | 12.04.2009 |
| 02 | Efton Fernandes | Elvis Mario | Rosita | 19.04.2009 |
| 03 | | | Monica | 03.05.2009 |
| 04 | Aryan Shan Miranda | Faustinho | Belinda | 17.05.2009 |
| 05 | Asilya Anna Fernandes | Jude Floriano | Festina | 17.05.2009 |
| 06 | Marisa Angel Noronha | James | Pemla | 07.06.2009 |
| 07 | Mark Goes | Venancio | Norah Arcanja | 07.06.2009 |
| 08 | | | | |
| 09 | | | | |
| 10 | | | | |
LOGN SONSKARA VORVIM KUTTUMBIK JIVIT
| Sr.No | Name of Couple | Date of Marriage |
| 01 | Martin Dobes And Dorota Kremerova | 01.04.2009 |
| 02 | | 12.05.2009 |
| 03 | Raygon Monteiro And Lorena Melina Barreto | 25.05.2009 |
| 04 | Genci Miranda and Sidny Fernandes | 27.04.2009 |
| 05 | Refan Pereira and Eldrin Rosa Pereira | 09.05.2009 |
| 06 | Rosy Rodrigues and Francisco Xavier Gracias | 10.05.2009 |
| 07 | Arlletta Fernandes and Ralf D’silva | 19.15.2009 |
| 08 | | |
MORNNA VORVIM PUNORJIVIT
| Sr.No | Name | Date of death |
| 01 | James Fernandes | 18.03.2009 |
| 02 | Felicia Dias. e. Noronha | 26.04.2009 |
| 03 | Alberto Fernandes | 05.05.2009 |
| 04 | Hermelinda Miranda | 25.05.2009 |
| 05 | Esperanca Miranda | 05.07.2009 |
| 06 | | |
| 07 | | |
| 08 | | |
Subscribe to:
Posts (Atom)